• GSM (Global System for Mobile Communucation – Mobil Ünsiyyət üçün Qlobal Sistem) - Dünya mobil telefon istifadəçilərinin yarısının istifadə etdiyi, daha çox Avropa və Asiya-Okeaniya bölgəsində hakim bir mobil şəbəkə standartıdır. Trafik 14.4 kbit/s-dir.

•  PCS (Personal Communications Services – Şəxsi Ünsiyyət Sistemləri) - tezlikləri zaman aralıqlarına bölərək istifadəçilərə bu zaman aralıqlarına nizamlı giriş haqqı verən TDMA (Time Division Multiple Access - Zaman Bölməli Çoxlu Daxilolma) standartı əsaslıdır. Amerika, orta və cənubi Amerika ilə bir çox ölkədə istifadə edilir. Trafik 14.4 kbit/s-dir.

• PDC (Personal Digital Cellular – Şəxsi Rəqəmli Mobil telefon) - Yaponiyada istifadə edilən bir standart. Kəsilməz məlumat mübadiləsi və daha yüksək sürət üçün ikincinəsil (2G) şəbəkələr üzərində qurulmuş paket məlumatlar (packet-data) istifadə edir. Trafik 28.8 kbit/s-dir.

• HSCSD (High Speed Circuit Switched Data – Yüksək Sürətli Dövrə Açarlı Məlumat) - GSM üzərinə qurulmuş dövrə açarlı bir protokol. Dörd radio kanalını eyni vaxtlı istifadə edərək GSM deyil dörd qat daha sürətli məlumat ötürülməsini təmin edir. Bəzi servislər 1999-un sonunda və 2000-ci ilin əvvəlində xidmətə təqdim edilmişdir. Trafik 57.6 kbit/s-dir.

• GPRS (General Packet Radio Service – Ümumi Paket Radio Xidməti) - paket olaraq açarlanmış, məlumat şəbəkəsinə kəsilməz və dərhal daxilolmanı təmin edən protokol. Trafik 115 kbit/s-dir.

• EDGE (Enhanced Data rates for Global Evolution - Qlobal İnkişaf üçün Artırılmış Məlumat Sürətləri) - GPRS-in daha yüksək kanal genişliyinə sahib olanı və GSM-in inkişaf etmiş halıdır. Kanal genişliyinə çox ehtiyac duyan multimediya fayllarının mübadiləsinə imkan verir. EDGE, UMTS texnologiyasına keçiş olaraq adlandırıla bilər. Trafik 384 kbit/s-dir.

• IMT2000 (International Mobile Telecommunications – Beynəlxalq Mobil Telekominikasiya) - Bu üçüncü generasiya (3G) bir standartdır. Buna rəqib protokollar da inkişaf etdirilmişdir; Avropada UMTS (Universal Mobile Telephone System - Universal Mobil Telefon Sistemi), Amerikada CDMA (Code Division Multiple Access - Kod Bölməli Çoxlu Daxilolma), Yaponiyada genişzolaqlı - CDMA. Bu standartların inkişaf etdirilməsi üçün çox böyük infrastruktur investisiyaları qoymaq lazımdır. Trafik 384 kbit/s ilə 2 Mbit/s arası dəyişir.
  

Əvvəlki səhifə