Sosial şəbəkələr — sosial qarşılıqlı əlaqələr, sosial obyektlər (adamlar və ya təşkilatlar) və kommunikasiyalar arasında sosial struktur düyünlərindən ibarət olan qrupdur.
Facebook — əsası 2004-cü ilin fevral ayında Harvard Universitetinin tələbəsi Mark Zukerberq və onun otaq yoldaşları Eduardo Saverin, Dastin Moskovits və Kris Hyuz tərəfindən qoyulmuş, dünyada ən böyük sosial şəbəkədir.
Facebook-un Azərbaycan dilinə tərcüməsi 2008-ci ilin yay aylarından başlanılıb. Artıq 2 oktyabr 2009-cu il tarixindən etibarən sayt rəsmi olaraq Azərbaycan dilində də fəaliyyət göstərir.
Twitter — onlayn sosial şəbəkə və mikroblogging xidmətləri təklif edən saytdır ki, onun vasitəsiylə istifadəçilər 140 işarəlik “tvit” adlandırılan mətn sms-ləri göndərə bilirlər.
Twitter 2006-cı ilin mart ayında Cek Dorsi və Cüli tərəfindən yaradılmışdır. Twitter Inc. San Fransiskoda yaradılsa da, onun server və ofisləri Nyu-York, Boston və San Antonio şəhərlərində də vardır.
Linkedin korparasiyası professional peşələrin insanları üçün sosial şəbəkə saytıdır. 2002-ci ilin dekabrında qurulub və 2003-cü ilin may ayının 5-də fəaliyyətə başlayıb. Əsasən professional şəbəkə kimi istifadə edilir.
VK (Vkontakte) — Runetin ən böyük sosial şəbəkəsi. Saytın müəllifi və administratoru Rusiya proqramçısı Pavel Durovdur. 2006-cı ilin 10 sentyabr tarixindən fəaliyyətə başlamışdır. Sayt dünyanın bir çox dillərinə (Rus, İngilis və digər 67 dilə) tərcümə olunmuşdur. Onun Azərbaycan dilində də versiyası var.
Odnoklassniki — Rusiya və keçmiş Sovet respublikalarında populyar olan sosial şəbəkədir. Albert Popkov tərəfindən 4 Mart 2006-cı il tarixdə yaradılıb. 8 dildə fəaliyyət göstərir ki, biri də Azərbaycan dilidir.